InicioEconomíaReúnen os fondos para demandar o Concello de Lugo pola "suba abusiva"...

Reúnen os fondos para demandar o Concello de Lugo pola “suba abusiva” das taxas das terrazas

Lugo Monumental agradece o "compañeirismo" de hostaleiros e comerciantes, que "en menos de 24 horas" xa achegaran máis da metade do diñeiro preciso.

PUBLICADA O

- Advertisement -

A asociación Lugo Monumental informou de que “en menos de 24 horas” logrou os fondos necesarios para presentar unha demanda contra o Concello da capital lucense ante o Tribunal Superior de Xustiza de Galicia (TSXG) polo que considera unha suba “abusiva” das taxas por ocupación da vía pública para a instalación de terrazas.

Lugo Monumental iniciou a finais da semana pasada unha campaña “solidaria” de recollida de fondos para presentar esa demanda, cuxo gasto de tramitación fixaba arredor duns 2.500 euros.

“Hostaleiros, xubilados, outros que non teñen terraza, e por tanto non se ven afectados pola subida; comerciantes de todo tipo, de sectores alleos á hostalería, realizaron achegas”, precisou a directiva de Lugo Monumental, que tamén aclarou que limitou a 25 euros os donativos por local, para “non abusar da súa xenerosidade”.

Esa resposta permitiulle á asociación “recadar en menos de 24 horas bastante máis da metade do diñeiro necesario para a demanda, que coas achegas de locais interesados garante que a acción legal siga adiante”.

“Os que exercen responsabilidades públicas utilizando un diñeiro que non é deles, senón de todos nós, deberían tomar nota da solidariedade, o compromiso e o compañeirismo dos particulares que usan os seus propios recursos para quen se ven atropelados por unha maquinaria administrativa inxusta e abusiva”, afirma Lugo Monumental nun comunicado.

UNHA “LOUSA” PARA O SECTOR

Segundo este colectivo, a subida de taxas exposta polo goberno municipal é “disparatada”, dado que prevé un incremento de entre o 187 e o 600%, que se aplicaría de forma progresiva ata 2022. Trátase, engade, dunha “lousa” sobre un sector moi afectado polas restricións contra a Covid-19: para eles é unha medida “inexplicable” e “inoportuna”.

ÚLTIMAS

A UNED de Lugo finaliza o curso cun aumento do 13% na súa matrícula

O Centro Asociado da UNED en Lugo acolleu este xoves a reunión ordinaria da...

Creado un punto de atención en Portomarín para dar asistencia básica e curas aos peregrinos

O conselleiro de Sanidade, Antonio Gómez Caamaño, destacou a colaboración entre o seu departamento...

Condenan a 8 anos ao home que matou ao seu pai cun disparo na cabeza

C.V.V., un veciño de 49 anos, aceptou este mércores declararse culpable do asasinato con...