- Advertisement -
A subdelegada do Goberno en Lugo, Isabel Rodríguez, informou de que o Goberno abonou en 2020 máis de 41,5 millóns de euros a case 18.000 traballadores en ERTE na provincia.
Este xoves, a subdelegada mantivo unha reunión telemática coa directora provincial do Servizo Público de Emprego Estatal (SEPE), Estefanía Pita.
E é que a pandemia aumentou un 300% a carga de traballo do SEPE co fin de tramitar as axudas do escudo social para os sectores afectados. Entre os meses de abril e agosto, incorporáronse ás oficinas do SEPE un total de 12 traballadores interinos. En total, o ano pasado tramitáronse 89.250 expedientes na provincia e a oficina virtual deste organismo (Ratel) recibiu máis de 32.000 chamadas.
