Unha guía práctica elaborada pola confederación de empresarios de Lugo coa colaboración da Deputación axuda a traballadores e empresas a previr e afrontar a covid-19.

A publicación foi presentada este martes polo deputado de promoción económica, Pablo Rivera, o tesoureiro da organización patronal luguesa, Jorge Somoza, e o especialista en medicina do traballo Santiago Díaz. O documento recolle unha recompilación de documentos técnicos que o Ministerio de Sanidade ha ido publicando ao longo do desenvolvemento da pandemia.

Segundo destacou Pablo Rivera, é unha guía “pensada como unha ferramenta práctica para que os traballadores e as empresas coñezan o virus e saiban como afrontalo e previlo“.

O coordinador da guía, Santiago Díaz, resaltou que o traballo se iniciou en maio para contar con “información precisa para asesorar ás empresas” e que se actualizou en setembro, en plena segunda onda, dadas as “novas evidencias” e o avance no coñecemento sobre a enfermidade.