O comité de Alcoa e a multinacional preparaban sobre as catro da mañá deste mércores unha acta de desacordo despois de que se rompesen as negociacións do período de consultas do Expediente de Regulación de Emprego (ERE) presentado pola compañía na planta de aluminio, que suporía 534 despedimentos na factoría e outros 400 en empresas auxiliares.

Segundo concretou o comité de empresa ás decenas de traballadores do complexo industrial e das contratistas que continuaban arroupando aos seus representantes á saída do restaurante Los Robles, en Lugo, “(Alcoa) segue empeñada en poñer enriba da mesa o ERE, o Expediente de Regulación Temporal de Emprego (Erte) e a parada de cubas, e nós seguimos na nosa posición”. Máis información no Xornal da Mariña.