InicioEconomíaMáis de mil persoas protestan en Lugo contra o inicio do ERE...

Máis de mil persoas protestan en Lugo contra o inicio do ERE de Alcoa

Os obreiros esixen á Xunta e ao Goberno a intervención da planta de San Cibrao para frear o "ataque" á industria do aluminio.

PUBLICADA O

- Advertisement -

A dirección de Alcoa volveu reunirse co comité de empresa, de novo nun restaurante de Lugo, para iniciar este xoves o período formal de consultas do proceso de despedimento colectivo que podería rematar con 534 traballadores da fábrica de aluminio primario de San Cibrao na rúa, ademais de co despedimento doutros 400 empregados de empresas auxiliares.

Segundo expuxo o presidente do comité, José Antonio Zan, a multinacional iniciou un Expediente de Regulación de Emprego (ERE) baseado en “cuestións organizativas produtivas e económicas”, no que polo de agora non trascendeu a identidade dos traballadores afectados aínda que “non fai falta, pois todos sabemos quenes son”. O recorte produtivo suporía, en realidade, baleirar de contido a factoría, co peche da electrólise, o cese da produción de ánodos, de metal líquido e das actividades relacionadas, así como da elaboración de tochoslingotes e de parte da factura de placas de fundición.

“O QUE BUSCA A EMPRESA É METER AQUÍ ALUMINIO QUE FABRICA NO ESTRANXEIRO”

“O que buscan é unha deslocalización total, xa que acaban coa última planta de aluminio pero eles (Alcoa) poden seguir metendo o metal aquí; actualmente meten máis dun millón de toneladas en España e Europa. Tráeno de Arabia Saudí e de Noruega, tamén de África, pois tamén o traen de Mozambique“, expuxo.

Podes ler a información completa no Xornal da Mariña.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...