InicioEconomíaAbanca e a Deputación lanzan o Plan Reactivación cunha liña de créditos...

Abanca e a Deputación lanzan o Plan Reactivación cunha liña de créditos brandos por 25 millóns

Trátase dunha liña de financiamento orientada a reactivar o tecido económico de empresas e fogares.

PUBLICADA O

- Advertisement -

Abanca e a Deputación Provincial de Lugo asinaron este martes un acordo para o lanzamento do Plan Reactivación, unha liña de financiamento de ata 25 millóns de euros para impulsar a recuperación do tecido socioeconómico e paliar o impacto da crise xerada pola pandemia de coronavirus.

O convenio foi subscrito no Pazo de San Marcos polo presidente da Deputación, José Tomé Roca e o director da Banca Institucional de Abanca, Santiago Novoa García, e supón unha adaptación do Plan Activamos (en marcha desde 2014) ás actuais circunstancias.

No protocolo acordado inclúense diferentes opcións de financiamento con condicións melloradas, entre as que destacan créditos ao tecido empresarial para atender necesidades de liquidez, e investimentos e préstamos para apoiar a dixitalización dos fogares.

“Nestes momentos é moi importante facilitar a circulación de crédito, axudar que chegue ás familias, aos autónomos e ás pequenas e medianas empresas, a verdadeira columna vertebral da nosa economía”, proclamou José Tomé.

O acordo asinado este martes supón a renovación dun convenio vixente desde 2014, o Plan Activamos que, desde a súa posta en marcha, inxectou máis de 103 millóns de euros nas familias, pemes, corporacións locais e autónomos da provincia. En total, formalizáronse 4.110 operacións de crédito, das que 710 correspóndense co ano pasado (por importe de algo máis de 17 millóns de euros).

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...