InicioEconomíaA Xunta saca a concurso máis de 33.000 metros cadrados de chan...

A Xunta saca a concurso máis de 33.000 metros cadrados de chan industrial no polígono das Gándaras

As empresas adxudicatarias gozarían dunha bonificación do 50% , de maneira que poderían aforrar 1'6 millóns de euros no seu conxunto, segundo estimacións da Xunta.

PUBLICADA O

- Advertisement -

A Consellería de Medio Ambiente puxo a disposición das empresas interesadas catro parcelas de chan industrial no polígono lucense das Gándaras. A superficie total supera os 33.000 metros cadrados. Estes solares están incluídos no concurso que convocou a empresa pública Xestur o pasado 10 de febreiro e en virtude do cal os adxudicatarios se beneficiarán dunha bonificación do 50% aplicada pola Xunta sobre o prezo de venda oficial.

Así o indicou este martes a conselleira Ángeles Vázquez en Lugo, onde participou nun evento convocado pola Asociación de Empresarios do Polígono do Ceao e das Gándaras para falar da dispoñibilidade actual de chan para novos proxectos, así como dunha ampliación de superficie de uso empresarial de cara ao futuro.

Nesta materia, a Xunta sacou un novo concurso para a venda de 770.000 metros cadrados de chan empresarial en 17 parques da súa propiedade, un deles o das Gándaras, onde se ofertan catro parcelas con 33.606 metros cadrados e un prezo de venda sen bonificar de 3.192.570 euros, polo que as empresas que se fagan con estes solares beneficiaranse dun aforro estimado en case 1,6 millóns de euros.

Ademais das bonificacións do 50% aplicadas pola Xunta, a conselleira explicou aos empresarios do Ceao e As Gándaras que os interesados tamén teñen a opción de adquirir chan en réxime de dereito de superficie, unha modalidade mediante a cal os adxudicatarios abonan un canon anual equivalente ao 1,5% do prezo da parcela sen bonificar durante os dous primeiros anos. O prazo de presentación de ofertas termina o 10 de marzo.

AMPLIACIÓN DO POLÍGONO

Por outra banda, a conselleira e os representantes do sector empresarial das Gándaras tamén falaron da ampliación do polígono, cuxa primeira fase se abordará este ano e permitirá que unha soa empresa ocupe unha superficie de 25.000 metros cadrados. Tamén se prevé a construción de camiños interiores, unha rotonda e a urbanización de aproximadamente a metade da parcela correspondente á seguinte fase da ampliación.

ÚLTIMAS

Fabiola García destaca en Lugo o papel das viúvas galegas como referentes no asociacionismo feminino

A cidade de Lugo acolleu este sábado o 48º Congreso da Asociación de Viúvas de Galicia, unha...

A Garda Civil detén en Lugo un implicado nunha rede internacional de tráfico de especies protexidas

Un home foi detido en Lugo no marco da operación Namib, un dispositivo a gran escala desenvolvido...

O alcalde de Lugo pide por carta ao Ministerio de Transportes que inclúa á cidade nas melloras ferroviarias

O alcalde de Lugo, Miguel Fernández, pedirá por carta ao Ministerio de Transportes que...

O Concello de Lugo estuda unir os parques Rosalía de Castro e Marcos Cela cunha pasarela peonil

 Concello de Lugo proxecta a unión dos parques Rosalía de Castro e Marcos Cela...