InicioEconomíaA Deputación acondiciona as principais conexións de Cervantes

A Deputación acondiciona as principais conexións de Cervantes

Estas actuacións son necesarias por mor do desgaste que sufrían ambas estradas, logo dun inverno no que as fortes precipitacións intensificaron o mal estado das vías

PUBLICADA O

- Advertisement -

A Deputación de Lugo asumirá a rehabilitación das dúas estradas máis longas de Cervantes. Estas dúas vías resultan fundamentais para os veciños do municipio da Montaña, pois a LU-P-1401 conecta o Concello coa provincia de León, mentres que a LU-P-1402 une este municipio co de Navia de Suarna. Son actuacións necesarias para facer fronte ao desgaste que sufrían ambas estradas, especialmente despois dun inverno no que as fortes nevaradas e chuvias intensificaron o mal estado das vías.

En concreto, na LU-P-1401 as obras levaranse a cabo nos 5,5 primeiros quilómetros da estrada; mentres que na LU-P-1402, os traballos irán do quilómetro 1,8 ao 6,6 continuando coas labores de mantemento que xa comezaran o ano pasado no primeiro tramo.

Con estas obras o Goberno da Deputación dá resposta aos máis de 1.400 veciños de Cervantes que utilizan estas vías a diario e, especialmente, aos preto de 200 habitantes dos núcleos rurais de San Martiño da Ribeira, Quindous e Vilaquinte.

Cómpre subliñar ademais, que estas dúas vías teñen un maior tránsito durante a época invernal, pois son vías moi transitadas polos turistas xa que levan a Piornedo. Os traballos consistirán na rehabilitación do firme con aglomerado en quente, limpeza de cunetas, sinalización horizontal e vertical, e repintado.

ÚLTIMAS

O sector da limpeza en Lugo critica a petición de adiamento da patronal para decidir se acepta a mediación

Traballadores do sector da limpeza en Lugo criticaron "unha nova mostra do "absoluto desinterese"...

Unha persoa resulta ferida nun choque entre un camión cisterna e un coche en Abadín

Un camión cisterna que transportaba leite chocou contra un coche e envorcou en Abadín....

Unha residencia de Vilalba deberá readmitir a unha empregada despedida por reivindicar mellores condicións laborais

O Xulgado do Social número 1 de Lugo declarou nulo o despedimento dunha traballadora...

Proxectos de ir paso a paso, do micro ao macro, de furgar nos detalles pasados e presentes…

En cada visita aos museos da Rede Museística Provincial de Lugo (RMPL) para participar das actividades...