InicioEconomíaLugo ten un déficit de entre 300 e 500 profesionais no sector...

Lugo ten un déficit de entre 300 e 500 profesionais no sector da hostalaría e turismo

Os empresarios din que a cidade non conta con "xente preparada" para traballar neste sector.

PUBLICADA O

- Advertisement -

O presidente da Asociación Provincial de Empresarios de Hostalaría e Turismo da Provincia de Lugo (APEHL), Cheché Real, destacou este xoves que o sector necesita moita máis man de obra da que é posible conseguir no mercado laboral, porque sería necesaria a incorporación de “entre 300 e 500 profesionais para cubrir a demanda”.

En declaracións a EFE, Real recoñeceu que non é un problema exclusivo desta provincia, nin sequera de Galicia, porque o mesmo está a suceder noutras latitudes do territorio español, onde “tampouco hai xente que queira traballar en hostalaría e turismo“.

De feito, asegurou que é un dos temas “que se está expondo no comité executivo” da federación que agrupa ás asociacións de hostalaría de España. “Aínda que en Lugo hai xente preparada” que podería traballar no sector, moitos deses profesionais deciden probar sorte noutros lugares de España ou mesmo do estranxeiro, onde o volume do sector turístico é moito maior.

“Aquí, fácil, necesitamos incorporar entre 300 e 500 persoas, con picos importantes en determinadas épocas do ano”, onde a afluencia de visitantes multiplica en moitas localidades a demanda habitual. Para iso, precisou, tamén se están dando pasos “para dignificar a profesión” e para facela “máis atractiva”, con maior control sobre os “horarios” de traballo, para permitir “unha conciliación da vida laboral e familiar”.

Segundo Real, tamén sería positivo para xerar esa man de obra, pór en marcha “cursos de formación continua, de formación dual, que durasen de nove a dez meses ao ano”, de forma que a xente podería estar a se formar á vez que traballa no sector.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...