InicioDeportesEnsino pide "todo o apoio posible" na súa campaña de abonados

Ensino pide “todo o apoio posible” na súa campaña de abonados

PUBLICADA O

- Advertisement -

Durán Maquinaria Ensino Lugo presentou a súa campaña de abonados de face á próxima tempada en Liga Dia, máxima categoría do baloncesto feminino español. O club lucense comunicou que “precisa todo o apoio posible debido ás esixencias económicas de xogar na elite”.

Os prezos son os seguintes:

Socio estándar ou sénior: 60 euros.
Socio júnior, é dicir, de 12 a 18 anos: 20 euros.
Socio de honor, é dicir, asento en tribuna baixa e bufanda do club: 100 euros.

Os abonos familiares gozarán dun 10% de desconto. Para iso, deberanse abonar dous adultos e un neno ou nena de entre 12 e 18 anos.

Ademais, os menores de 12 anos, os desempregados e os maiores de 65 anos poderán ver os partidos sen custo algún. No caso dos desempregados, deberán ensinar en cada partido a tarxeta de desempregado. Non hai abonos propiamente ditos para desempregados.

Os abonos poden adquirirse dende antonte nas oficinas do Ensino no Pazo dos Deportes, en Cafés Candelas, na tenda Manel Sánchez e en Durán Maquinaria.

Doutra banda, o club dálle unha sobresaliente importancia ao merchandising, que se poderá adquirir no Pazo dos Deportes en cada partido do Ensino como local, así como na futura tenda on-line do club. Poderán comprarse cuncas, chaveiros, gorras e bufandas.

Foto de ensinolugo.com

ÚLTIMAS

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...