Alberto Jiménez Monteagudo, primeiro adestrador do Club Deportivo Lugo, compareceu en rolda de prensa previa ao partido de mañá sábado ás 16 horas no Camp Nou de Reus ante o C.F. Reus Deportiu correspondente á duodécima xornada La Liga 1|2|3.
José Carlos Ramírez, Luis Ruiz, Giorgi Aburjania e Guille Donoso non entran na convocatoria por decisión técnica, así como Serge Leuko, Borja San Emeterio e Sergio Gil por lesión.
Jiménez Monteagudo afirmou que “a Copa está moi ben, pero onde nos xogamos as fabas é na Liga”.
Comentou que quere un equipo “intenso, que apreta ben”, así como “vivo” e “alegre” porque “a idea está por riba dos nomes”, así como “non” entende que un equipo teña “unha imaxe dentro e outra fóra”. Aclarou que “deu tempo a insistir” na súa idea durante esta semana.
A nivel individual, explicou que “Iriome está un pouco canso, pero está ben” e “hai que xogar un pouco cos cansanzos”.
Respondeu que está “moi a gusto” na cidade e no club.
Sobre o Reus Deportiu, opinou que é “un equipo cunha idea moi clara de xogo, con bastante insistencia na saída de balón dende atrás” con xogadores como Juan Domínguez, Mario Ortiz e Gus Ledes, así como subliñou ao dianteiro Miguel Linares.
