Natxo Lezkano, adestrador do Cafés Candelas Breogán, afirmou que de cara ao partido contra Club Estudiantes de Madrid este sábado ás 20:30 horas no Pazo dos Deportes de Lugo teñen as baixas de Henk Norel, Salva Arco, Ricardo Úriz e Alec Brown. Ademáis, “Emir Sulejmanovic non adestrou en toda a semana”. “Imos ver si pode chegar, chegaría un pouco xusto, confiemos que sí”, afirmou sobre o pívot bosnio.
“O partido de Estudiantes é, para nós, xa importante, que temos que mirar doutro xeito. Temos que saír a ser xa máis competitivos. Temos que saír a gañar porque son partidos que si queres salvarte ao final de tempada tes que gañar”, declarou o adestrador breoganista.
Lezkano comentou que as chaves para gañar será “defender moi ben” e “non ter tantas pérdidas” como acumularon “nestes dous partidos”.
Opinou que Estudiantes ten “un equipo moi compensado, con xogadores xoves, pero que xa levan acumulados moitos partidos en Liga Endesa e combinan con veteranos con experiencia na liga e en Estudiantes”, así como “poucas incorporacións, un bloque”, ficharon “tres xogadores de calidade” e, aínda que teñen “adestrador novo”, “os xogadores levan moito tempo xogando xuntos”.
