O mediapunta lucense Roberto Trashorras anunciou a súa retirada do fútbol profesional aos 37 anos. O xogador de Rábade estaba sen equipo despois de rescindir o seu contrato co Rayo Vallecano o pasado xaneiro. Debutou en Primeira División co Fútbol Club Barcelona en Riazor contra o R.C. Deportivo da Coruña o 6 de outubro de 2001. Esa mesma tempada, compite nun partido de Champions League e un de Copa do Rei co propio Barça. Formouse nas categorías inferiores do Racing Club Vilalbés e do Club Deportivo Lugo.
Trashorras competiu en 171 partidos en Primeira División co Rayo Vallecano entre 2011 e 2016. En Segunda División, defendeu as cores do C.D. Numancia (2005-2006), U.D. Las Palmas (2006-2008), Real Club Celta de Vigo (2008-2011) e no propio Rayo Vallecan (2016-2018).
Xogou nos filiais do Barça (1999-2003) e do Real Madrid (2003-2005).
É internacional español sub 20.
Poucos coma el trataron tan ben a pelota. Un embaixador do fútbol lucense. Por tanto talento e tantas clases de fútbol.
