O Fórum Evolución de Burgos acolleu este xoves a presentación oficial do percorrido de La Vuelta 2021, que leva por nome ‘La Vuelta de las Catedrales’ e que, por ser ano Xacobeo, rematará en Santiago de Compostela e non en Madrid.

A antepenúltima etapa desta competición ciclista será por terras lucenses e está prevista para o 3 de setembro. Comezará en Tapia de Casariego (Asturias) e acabará en Monforte de Lemos, previo paso pola Fonsagrada, Castroverde, Lugo e Sarria.

Dende a organización descríbena como unha etapa de media montaña, “con moito sobe e baixa” e unha das que máis oportunidades de fuga presenta en todo o percorrido.