O porteiro lucense Pablo Cacharrón, de Club Deportivo Lugo, recibiu o premio ao “porteiro menos batido” de Preferente Norte. O trofeo foi entregado o pasado venres na “Gala do Fútbol Galego” organizada pola Real Federación Galega de Fútbol (RFGF) e celebrada no Palacio de Congresos de Santiago de Compostela.
Cacharrón, de 21 anos, ascendeu co Club Deportivo Lugo B a Terceira División na penúltima xornada de liga proclamándose campión de grupo e tamén campión absoluto de Preferente.
O gardamallas lucense adestra habitualmente co primeiro equipo de Club Deportivo Lugo. Foi convocado en partidos de La Liga 1|2|3 nas últimas tres tempadas. Competiu en encontros amigables coa camisola albivermella, mais non debutou en choque oficial. Na pasada campaña, foi un xogador máis do primeiro equipo en cada adestramento. Comezou a adestrar con diferente frecuencia coa primeira plantilla dende 2013.
