O Club Voleibol Emevé Lugo segue engadindo pezas ao seu proxecto en Superliga, máxima categoría do voleibol. O Emevé anunciou a renovación da colocadora lucense Carmen Saá, que cumprirá a súa sexta tempada no primeiro equipo. De feito, debutou en etapa xuvenil.

Xa hai tres xogadoras renovadas: Lucía Prol, Eliana González a e citada Carmen Saá, ademáis do adestrador, José Valle. Tal e como comentara Bibí Bouza, presidenta do club, a idea do equipo lucense é darlle continuidade á plantilla do ascenso a Superliga e apostar por xogadoras lucenses. E así o están a facer.

A colocadora Carmen Saá, de 19 anos e 1.65 metros de altura, foi MVP en dúas xornadas da tempada pasada en Superliga 2: na primeira quenda de playoff e na derradeira xornada da fase final da Superliga 2.

Segundo o clube, a colocadora lucense “fixo unha gran tempada, medrando notablemente na súa distribución de xogo”. O clube considera que seguen “cun proxecto que ilusiona” e que lles fai “soñar“.