InicioDeportesAmbiente máxico e cheo total nun 4×4 Pista Roja Lugo que se...

Ambiente máxico e cheo total nun 4×4 Pista Roja Lugo que se consolida como referente do street basket

Os "Míticos" André Pérez, Aitor Vázquez, Chisco López, Marcelo Egidio, Álvar Vázquez e un prodixioso Carlos Noguerol (base do C.B. Clavijo na LEB Prata) foron os campións da cuarta edición dun torneo que medra exponencialmente ano a ano. O MVP levouno o portentoso Félix Ferro (C.B. Viveiro), o concurso de triplas foi para un afinado Andrés Lodeiro (Basket Xiria) e os mates para un novel espectacular que seguro dará moito que falar nos anos vindeiros: Diego Villadóniga (C.B. Estudiantes)

PUBLICADA O

- Advertisement -

Décadas de historia, miles de xogadores, e o paso por ela de auténticas estrelas do baloncesto nunha cidade na que este é o deporte rei, fan que a Pista Roja estea considerada a nivel galego como un verdadeiro templo do basket de rúa.

O 4×4 é unha invención recente, pero dende aquela primeira edición na que gañou un actual xogador ACB (Sergi Quintela) e os mates un futurible NBA (Tyson Pérez) este campionato estase a converter tamén nunha verdadeira referencia entre os torneos de street basket non só galegos senón a nivel estatal.

Este domingo viviuse a cuarta edición, probablemente a máis desputada de todas, na que uns “nativos” da Pista (Os Míticos) levaron o gato a auga fronte a unha escuadra mariñá que non só deu guerra esta vez senón que o leva facendo moitísimos anos en todos os torneos galegos: “Desde Viveiro con Budón”.

André Pérez, Aitor Vázquez, Chisco López, Marcelo Egidio, Álvar Vázquez e Carlos Noguerol foron os que levaron para a casa o anel de campións. O MVP foi para un completísimo Félix Ferro (C.B. Viveiro), as triplas para o “Lobo” Lodeiro (Basket Xiria) e os mates para unha xove promesa do C.B. Estudiantes: o espectacular Diego Villadóniga.

Un gran ambiente nas gradas da Pista Roja foi a tónica xeral dunha fin de semana de festa baloncestística en Lugo (Autor da fotografía: Jose Eugenio García Beceiro)

ÚLTIMAS

Coñece a programación da Semana de Cinema de Autor de Lugo: 148 filmes e homenaxe a María Vázquez

Máis de 148 películas formarán parte este mes de setembro da Semana de Cinema de...

Outro incendio rexistrado nunha nave do Ceao provoca cuantiosos danos materiais, aínda que non se rexistran vítimas

Un incendio declarado na noite deste mércores nunha nave do polígono industrial de O...

Vicepresidencia da Deputación de Lugo non dará apoio económico a actividades con participación israelí

A Vicepresidencia da Deputación de Lugo, do BNG, anunciou que non financiará actividades nin...

Detido en Lugo por ameazar con navalla a dous menores que xogaban na rúa

A Policía Nacional detivo en Lugo a un home de 64 anos de idade...