O escolta lucense Sergi Quintela reforza a Cafés Candelas Breogán nas derradeiras seis xornadas da Liga Endesa despois de competir cedido esta tempada en Força Lleida en LEB Ouro.

Quintela, que cumpriu 23 anos antonte, pertence a Breogán dende 2016 e foi un dos heroes do ascenso á ACB en 2018.

O escolta lucense promediou 10 puntos, 3.3 rebotes, 3.1 asistencias, 1.7 recuperacións para 10.8 créditos valorativos en 32 partidos desta tempada en LEB Ouro con Força Lleida cun sobresaínte 44.1 % en tiros de dous puntos.