InicioCulturaO IES Lucus Augusti recibe a Orde Civil Afonso X do Ministerio...

O IES Lucus Augusti recibe a Orde Civil Afonso X do Ministerio de Educación

A distinción recoñece o IES Lucus Augusti como referente da vida académica e cultural da cidade de Lugo no 175 aniversario do centro de ensino

PUBLICADA O

- Advertisement -

O Ministerio de Educación recoñeceu o IES Lucus Augusti coa Orde Civil Afonso X O Sabio, premio ás persoas e entidades salientables nos eidos do ensino, a ciencia e a cultura. Deste xeito, pon en valor os méritos e servizos deste centro no 175 aniversario da institución.

A distinción ministerial correspondeu a seis centros de todo o estado, dous deles galegos. Ademais do IES Lucus Augusti de Lugo, recibiu a placa da Orde Civil o Centro de Educación Infantil e Primaria de Laredo, en Redondela.

“As familias, autoridades e profesionais da educación, e da sociedade en xeral, temos que colocar o ben dos menores como valor supremo da educación”, comentou a ministra e voceira do Goberno, Isabel Celaá. Dentro do labor a prol do ensino en España, subliñou o papel do IES Lucus Augusti “como referente na vida académica e cultural da cidade”.

O IES Lucus Augusti é un dos tres centros da provincia de Lugo que impartirá o bacharelato de excelencia científica e tecnolóxica Stembach
O IES Lucus Augusti

O IES Lucus Augusti é un dos catorce centros educativos galegos que imparten por vez primeira, neste curso 2018/19, o Bacharelato de Excelencia en Ciencias e Tecnoloxía (STEMbach). Así mesmo, conta cun extraordinario arquivo con fondos históricos e documentais datados do século XVII, e pezas de diversas coleccións e doazóns relacionadas coa física, química, bioloxía ou anatomía humana, entre outras materias.

 

 

ÚLTIMAS

Conta atrás para o ‘Caudal Fest’

A sétima edición do Caudal Fest conta os días para a súa celebración. Este...

A Xunta declara como proxecto industrial estratéxico a construción da planta de biometano no polígono do Ceao

O Consello da Xunta aprobou este luns a declaración como proxecto industrial estratéxico a construción dunha...

Incendio en Barreiros estabilizado tras arrasar 80 hectáreas

A Consellería de Medio Rural da Xunta de Galicia deu por estabilizado esta mañá...

Cinco brigadistas ingresados con queimaduras graves tras o lume de Barreiros

Os cinco brigadistas feridos nun incendio rexistrado no municipio lucense de Barreiros foron trasladados...