InicioCulturaInaugurado o novo arquivo histórico do IES Lucus Augusti

Inaugurado o novo arquivo histórico do IES Lucus Augusti

As instalacións permitirán a axeitada conservación dos fondos e coleccións históricas do centro de ensino secundario, que cumprirá coa Lei de Memoria Histórica

PUBLICADA O

- Advertisement -

Chegou a estrea oficial do novo arquivo histórico do Instituto Lucus Augusti. O centro de ensino secundario da capital lucense conta así cun depósito acorde ao valor das coleccións que custodia, ao tempo que foi acondicionado en cumprimento da Lei de Memoria Histórica. Os traballos foron financiados pola Consellería de Cultura, Educación e Ordenación Universitaria. Na inauguración estiveron presentes, entre outros, o delegado territorial da Xunta, José Manuel Balseiro, a alcaldesa de Lugo, Lara Méndez, e o director do Instituto, Juan Carlos Fernández.

As reformas afectaron ao conxunto de arquivo, museo e biblioteca histórica, amais de retirar os antigos escudos na vidrieira interior e na fachada. O investimento conxunto de 209.000 euros contribúe a adaptar o edificio, en palabras de Balseiro, “aos requerimenos de aprendizaxe e da sociedade actual”.

Así, a obra do arquivo garante a conservación e contribúe a valorizar o patrimonio histórico, científico e documental do IES Lucus Augusti; tanto os fondos da chamada biblioteca histórica –con exemplares desde o século XVII–, como o fondo documental do propio centro desde mediados do século XIX. Tamén se custodian pezas procedentes de diversas coleccións e doazóns relacionadas coa física, química, bioloxía ou anatomía humana, entre outras materias.

O delegado territorial lembrou que a conservación, catalogación e traslado dos fondos ao novo arquivo do Lucus Augusti requiriu da colaboración do Arquivo Histórico Provincial, a Biblioteca Pública Provincial e “dos docentes deste instituto que despregaron esforzos encamiñados a conservar, protexer e difundir o legado e a memoria das xeracións que nos precederon”.

Por outra banda, tamén se executaron recentemente obras de mellora nos vestiarios do polideportivo que comparte co IES Ollos Grandes así como outras medidas de conservación na instalación eléctrica e na de abastecemento, o pintado interior da pista polideportiva ou a reparación de caneiros e baixantes.

ÚLTIMAS

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...

Desestimada a demanda da irmá dunha muller asasinada por mal funcionamento da Casa da Muller de Lugo

O Xulgado do Contencioso-administrativo número 2 de Lugo desestimou a demanda presentada pola irmá da muller...

O PP de Lugo di que o anuncio da rehabilitación da N-540 dilata tres anos unhas obras que deberían ser urxentes

O PP de Lugo considera insuficiente o anuncio da adxudicación das obras de rehabilitación do firme...

Inundados tres dos catro pasos sobre o río Ladro en Begonte

As intensas precipitacións da xornada do domingo provocaron o desborde do río Ladra ao seu paso...