InicioCulturaCal é a túa imaxe da música tradicional galega?

Cal é a túa imaxe da música tradicional galega?

Tradescola convoca o XI Certame de debuxos para escolares sobre o baile e instrumentos musicais tradicionais de Galicia.

PUBLICADA O

- Advertisement -

A escola de música e baile tradicional Tradescola acaba de presentar un novo certame de debuxo “O baile e os Instrumentos da Música Tradicional Galega”.

A finalidade desta actividade, dirixida ás nenas e nenos de primeiro, segundo e terceiro curso de primaria dos centros de ensino da provincia de Lugo, é potenciar e difundir entre os máis pequenos a música e a cultura tradicional galega, axudar a que coñezan os nosos instrumentos, a nosa historia e costumes dun xeito natural dende os primeiros anos, fomentando actitudes de respecto e valoración da mesma.

A Tradescola constitúe un proxecto educativo xestionado pola Asociación de Gaiteir@s Galeg@s que busca formación para todas e todos aqueles que queiran achegarse á música e ao baile tradicional galego. A maiores, organiza actividades complementarias vencelladas coa difusión da cultura tradicional, como é o caso deste XI Certame de debuxo sobre o baile e os Instrumentos da Música Tradicional Galega, co que ademais de fomentar o coñecemento da nosa cultura musical, axúdase a potenciar as destrezas manuais e a imaxinación dos rapaces.

Os debuxos e os dorsos dos debuxos, deberanse enviar (escaneados ou fotografiados) por correo electrónico á Tradescola ( tradescola@gaiteirosgalegos.gal) ata o 5 de abril de 2024.

Esta actividade realizase coa Área de Cultura (Vicepresidencia) da Deputación de Lugo. De feito, na presentación do certame contouse coa participación da Deputada provincial de Cultura Iria Castro, a concelleira de Cultura do Concello de Lugo Maite Ferreiro e a Coordinadora da Tradescola Mónica Fernández.

ÚLTIMAS

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...

Investigados dous lucenses tras atopar un can abandonado que fora dado de baixa por falecemento

A Garda Civil investiga a dous veciños das localidades lucenses de Castroverde e do Corgo como supostos autores...