InicioSociedadeIES Santiago Basanta Silva, de Vilalba, 1º Premio do Club de Lectura...

IES Santiago Basanta Silva, de Vilalba, 1º Premio do Club de Lectura de España

A subdelegada do Goberno en Lugo, Isabel Rodríguez, felicitou o pasado 6 de xuño en Vilalba ao equipo docente e directivo do centro de ensino vilalbés.

PUBLICADA O

- Advertisement -

O IES Santiago Basanta Silva vén de se recoñecido co primeiro galardón nos Premios Clubes de Lectura Escolares de toda España, na modalidade de centros de Secundaria, que concede o Ministerio de Educación e Formación Profesional.

A subdelegada do Goberno en Lugo, Isabel Rodríguez, visitou o pasado martes 6 de xuño o centro, acompañada da alcaldesa en funcións, Elba Veleiro; a concelleira de Educación, Antía Rama; así como da directora do instituto, Mari Trillo; e a responsable do proxecto, Sabela Tenreiro; para coñecer de primeira man as actividades que levan a cabo no Club de Lectura `Almas de tinta´.

O proxecto educativo conta con máis de 100 participantes, de todos os niveis educativos de secundaria e bacharelato, ademais dun grupo de adultos integrado por profesorado e veciños e veciñas do municipio. “Sodes un exemplo da importancia que ten promover plans orientados no desenvolvemento e crecemento dos rapaces e rapazas a través da lectura, con tempos diarios dedicados a ela, formando a lectores competentes, un dos grandes obxectivos do sistema educativo”, salientou a subdelegada.

Neste senso, Isabel Rodríguez avanzou que este recoñecemento do Goberno vai acompañado dunha achega económica de 4.500 euros destinada á realización de actividades “para conseguir que a lectura rompa as fendas estruturais e convértase nun hábito social real”.

UN CLUB DE LECTURA MOI ACTIVO

O club de lectura do IES Santiago Basanta Silva leva dez anos servindo como rede neurálxica para as actividades do centro, realizando acampadas na biblioteca, actos de presentación de autores, faladoiros radiofónicas, roteiros literarios ou representacións teatrais, que proceden da literatura e da lectura de títulos como Aire Negro de Agustín Fernández, Frankestein ou Verne e a vida secreta das mulleres planta de Ledicia Costas, entre numerosos títulos.

A este respecto, a subdelegada na provincia subliñou que a iniciativa deste centro vai máis alá dos libros, partindo deles, “danse numerosas actividades de distintas manifestacións artísticas que chegan fóra do centro e que fan atractiva a cultura para a sociedade vilalbesa, ofrecendo ideas orixinais, puntos de vista e novos coñecementos, impregnando na cidadanía un gran labor de dinamización”.

Durante o encontro, as profesoras explicaron que cada trimestre o profesorado escolle un ou dous libros, baseándose nas súas propias experiencias ou de propostas do alumnado e ao rematar de lelo, realizase unha actividade relacionada coa temática do mesmo.

ÚLTIMAS

Convocarán un concurso de ideas para desenvolver a contorna do Pazo de Dona Urraca

A Xunta continúa dando pasos para "seguir reactivando" o barrio da Tinería, no centro...

Detidas tres persoas dun clan familiar dedicado a venda de cocaína en Lugo

A Policía Nacional detivo a dous homes e a unha muller vinculadas a un clan familiar que se...

Reunión entre Rueda e Tomé para fixar un grupo de traballo sobre transferencia de diferentes estradas

O presidente da Xunta de Galicia, Alfonso Rueda, e o líder da Deputación Provincial...