InicioCulturaSaint Patrick´s Day e a conexión entre Lugo e Irlanda

Saint Patrick´s Day e a conexión entre Lugo e Irlanda

Os lazos culturais entre Galicia e Irlanda dende tempos ancestrais son de sobra coñecidos. No século XXI seguen vivos e a celebración do Saint Patrick´s Day en Lugo pode ser un bo exemplo delo

PUBLICADA O

- Advertisement -

Galegos e irlandeses temos moito en común. Compartimos non só raíces históricas, mitos e tradicións, senón tamén hábitos e cosmovisións.

Non hai que esquecer que ambos pobos somos oceánicos, polo tanto moi abertos ao mundo, e moi habituados a partir e a recibir. Estamos en todas partes: nós máis en Arxentina ou Cuba, eles máis nos Estados Unidos ou en Australia… pero o esquema mental ten moito de parecido.

No século XXI temos de novo un fluxo de intercambio cultural entre Galicia e Irlanda, tanto a nivel formativo como a nivel laboral, e probablemente desa presenza (en Lugo moi notable en canto a profesores de inglés e auxiliares de conversa en centros educativos de toda a provincia) veña o potenciamento da celebración do Saint Patrick´s Day por terras galegas.

O pasado venres 17 de marzo tivemos ocasión de desfrutar da “Ruta do San Patricio” en Lugo e apetecíame deixarvos un recordo do que foi e do que probablemente será en anos vindeiros este novo percorrido polo Lugo irlandés.

Comezamos na cervexaría Morrigan, que leva nada menos que 22 anos no número 46 da Avenida de Madrid. Alí o seu propietario Suso leva 21 anos celebrando o Saint Patrick´s e este ano ofreceu incluso tapas irlandesas: Dublin coddle, mexilóns Molly Malone e Irish stew.

Tapas irlandesas na cervexaría Morrigan

Continuamos a ruta no Galo de Recatelo, novo local de hostalería deste histórico barrio lucense, e que xa de inicio aposta pola celebración do día nacional irlandés. Alí o grupo “Shenanigans” tocou en directo durante varias horas. Puidemos falar con Brendan Shine, un dos seus compoñentes, e promotor da idea de que Lugo se una a tantas cidades do mundo (dende New York ata A Coruña) que celebran o Saint Patrick´s Day iluminando os seus monumentos. Brendan propón que a partir do 2024 a Muralla Romana de Lugo luza con luces verdes, e se una a esta extensa rede.

Por último La Romería Coffee & Co, o famoso bar arxentino do barrio da Residencia, uniuse tamén á celebración do Saint Patrick´s por primeira vez. Todo un irmanamento galego, irlandés, estadounidense e arxentino! Catro pobos atlánticos e tan vencellados entre sí.

Contaron coa actuación en directo do cada día máis querido T.C. Costello, artista de Carolina do Norte que con moita frecuencia toca nas portas da Muralla Romana, na Praza do Campo, ou tamén nas rúas de Compostela. Por moitos anos de Saint Patrick´s!

ÚLTIMAS

Enrique Rozas renuncia por “asuntos persoais e familiares” á súa acta de concelleiro no Concello de Lugo

O edil do PP no Concello de Lugo, Enrique Rozas, anunciou este luns en rolda de prensa...

O TSXG anula os servizos mínimos da Xunta para a folga de limpeza en Lugo de 2023

A sección primeira da Sala do Contencioso-Administrativo do Tribunal Superior de Xustiza de Galicia...

Interceptado un condutor borracho que fuxiu tras ter un accidente cun neno no asento dianteiro

Un condutor foi interceptado tras verse implicado nun accidente de circulación na confluencia da Avenida...

O PP presentará dúas iniciativas no Senado para reclamar ao Goberno a chegada da alta velocidade

O PP lucense anunciou este luns en Lugo que presentará dúas iniciativas no Senado...