A filóloga María López Sández (Lugo, 1973) ingresará na Real Academia Galega como membro de número o sábado 11 de marzo nunha sesión extraordinaria pública que terá lugar no Círculo dás Artes de Lugo, a súa cidade natal.

A filóloga e escritora pronunciará o discurso  ‘Onde abrolla o manancial: a paisaxe na raíz do ensaísmo galego’, ao que lle dará resposta en nome da institución a académica Marilar Aleixandre. A entrada é libre ata completar a capacidade da sala, a sesión poderá seguirse tamén en directo desde academia.gal.

María López Sández ocupará a vacante producida polo falecemento do académico Darío Xohán Cabana en novembro de 2021. Profesora de Didáctica da Lingua e a Literatura da Universidade de Santiago de Compostela (USC) e catedrática en excedencia da educación secundaria, a académica de número electa é investigadora da literatura galega e da sociolingüística, e tamén creadora literaria.