InicioCulturaA Fonsagrada convírtese nun novo punto de rodaxe audiovisual na provincia

A Fonsagrada convírtese nun novo punto de rodaxe audiovisual na provincia

O conselleiro de Cultura, Román Rodríguez, asistiu este luns a unha das sesións de rodaxe de 'As neves', primeira longametraxe da directora e guionista viguesa Sonia Méndez.

PUBLICADA O

- Advertisement -

O conselleiro de Cultura, Román Rodríguez, asistiu este luns na Fonsagrada a unha das sesións de rodaxe de ‘As neves’, primeira longametraxe da directora e guionista viguesa Sonia Méndez, que encara a recta final dun proceso de filmación que deu comezo a mediados de decembro cun equipo de máis de 60 persoas.

Cósmica Producións conta co apoio da Xunta de Galicia desde o inicio deste proxecto, subvencionado xa na súa fase previa de desenvolvemento e polo que se lle concedeu tamén unha axuda de 260.000 euros a través da convocatoria de 2021 para producións e coproducións audiovisuais.

Durante a visita á rodaxe, a propia directora e a produtora executiva, Nati Juncal, compartiron cos cargos da Xunta a evolución do traballo, que se desenvolve en diferentes localizacións da Fonsagrada, ademais de en outros concellos da provincia de Lugo e en Santiago de Compostela.

Durante a visita, o responsable autonómico de Cultura mostrouse convencido de que 2023 volverá ser un “bo ano para o audiovisual galego”, no que películas como a que se está rodando na Fonsagrada van contribuír ao éxito do sector e a afianzar o bo posicionamento de Galicia no campo audiovisual.

“Desde a Xunta cremos que este é un sector estratéxico cunha gran capacidade para crear emprego e, como ocorre neste caso, pór en valor espazos rurais da nosa Comunidade e divulgar o bo traballo que están a facer os nosos profesionais”, dixo.

Este traballo súmase á intensa tempada de filmacións protagonizada pola industria audiovisual galega nos últimos meses con financiamento da Consellería de Cultura, tanto a través das axudas anuais para producións de cinema e de televisión como do fondo para a atracción de rodaxes do Hub Audiovisual.

ÚLTIMAS

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...

Desestimada a demanda da irmá dunha muller asasinada por mal funcionamento da Casa da Muller de Lugo

O Xulgado do Contencioso-administrativo número 2 de Lugo desestimou a demanda presentada pola irmá da muller...

O PP de Lugo di que o anuncio da rehabilitación da N-540 dilata tres anos unhas obras que deberían ser urxentes

O PP de Lugo considera insuficiente o anuncio da adxudicación das obras de rehabilitación do firme...

Inundados tres dos catro pasos sobre o río Ladro en Begonte

As intensas precipitacións da xornada do domingo provocaron o desborde do río Ladra ao seu paso...