A concelleira de Cultura, Turismo e Promoción da Lingua, Maite Ferreiro, anunciou que este sábado, co gallo da celebración do Día do Libro, todas as persoas que se acheguen á Casa do Concello entre as 12 e a as 14 horas recibirán un libro como agasallo.

“Entregaranse a todas as veciñas e veciños unha serie de obras procedentes do fondo bibliográfico municipal”, explicou Maite Ferreiro. A edil de Cultura lembrou que “puxemos en marcha esta iniciativa o ano pasado e conseguimos que centos de persoas se achegaran ao Concello para coller un libro en galego”.