O Festival Independente de Vilalba (FIV) confirmou cinco novos artistas para o seu cartel deste ano, que se celebrará do 22 ao 24 de abril e que contará con Carlos Sadness, Baiuca, Forget a france, Delafé Dj Set e Idoipe.

A localidade chairega acollerá durante tres días diversas actuacións e actividades repartidas entre os escenarios situados na Praza da Constitución –Escenario Emerxente– e o Campo da Feira –o Escenario FIV–, seguindo os protocolos vixentes no momento de celebración do festival e garantindo a seguridade de público e artistas.

A lista de actuacións, entre as que se atopan tamén a de Viva Suecia e Cupido, súmanse a actividades paralelas, o FIV Kids, un espazo para os pequenos da casa, e a zona de acampada, cuxas reservas se abrirán a finais da próxima semana.