InicioCulturaUn milleiro de universitarios viven o primeiro día de facultade en Lugo

Un milleiro de universitarios viven o primeiro día de facultade en Lugo

O Campus Terra facilitou a iniciación do novo alumnado cunha xornada dinámica na Facultade de Veterinaria que incluíu actividades culturais

PUBLICADA O

- Advertisement -

Este curso universitario comezou de xeito diferente en Lugo. Os responsables do Campus Terra prepararon unha xornada de acollida para o novo alumnado, reunido na Facultade de Veterinaria canda o persoal dos distintos servizos e programas. Foi unha benvida dinámica, na que os alumnos de primeiro puideron informarse sobre a oferta da Universidade ao tempo que participaban, en conxunto, das actividades lúdicas propostas dende a Vicerreitoría.

Entre os postos informativos instalados en Veterinaria estiveron presentes especialistas das áreas de Cultura, Orientación Laboral, Bibliotecas Intercentros, o Centro de Apoio Científico-Tecnolóxico (Cactus), o Centro de Linguas Modernas (CLM), a Oficina de Desenvolvemento Sostible, a Oficina de Igualdade de Xénero, a Oficina de Relacións Externas, o Servizo de Deportes, o Servizo de Normalización Lingüística e mailo Servizo de Participación e Integración Universitaria (Sepiu).

Asemade, no centro do Campus de Lugo houbo tempo para gozar dun programa de actividades culturais, que comprendeu a animación musical, danza (zumba) ou proxeccións audiovisuais. A xornada completouse coa correspondente representación institucional: a vicerreitora de Coordinación do campus de Lugo, Montserrat Valcárcel, e os adxuntos para Investigación, Transferencia e Innovación, Elvira López Mosquera, e para Estudantes, Internacionalización, Cultura e Servizos, Jesús Varela Zapata, co acompañamento do secretario xeral de Universidades da Xunta de Galicia, José Alberto Díaz de Castro, o deputado de Relacións Institucionais, Álvaro Santos, e maila rexedora da cidade, Lara Méndez.

O encontro universitario coincidiu coa primeira xornada de clases do curso académico, unha imaxe vibrante celebrada por Díaz de Castro, que sinalou que o campus de Lugo ten “calidade e capacidade de sobra para atraer cada ano máis alumnado”. Pola súa banda, Valcárcel animou os novos universitarios a demandar información e crear un feedback co que mellorar a estadía e o coñecemento adquirido.

Cómpre salientar que a xornada de benvida enmárcase dentro do plan de acción do proxecto Campus Terra, financiado pola Consellería de Cultura, Educación e Ordenación Universitaria. Este plan aspira a fomentar a especialización da sede universitaria lucense arredor do concepto Terra, entendido dende unha perspectiva interdisciplinar, isto é, económica, medioambiental, social e cultural. Entre outras novidades, Lugo oferta este curso o Grao en Paisaxe, único en España.

Tres titulacións do Campus Terra seguen a ser as mellores de España

ÚLTIMAS

A neve e a choiva dificultaron este domingo a circulación nas estradas de 10 concellos de Lugo

A Deputación de Lugo activou este domingo un operativo para facer fronte aos efectos...

A restauración da Capela da Soidade de Lugo terminará en abril e permitirá a saída dos pasos de Semana Santa

As obras de restauración da Capela da Soidade da Venerable Orde Terceira en Lugo...

A neve complica a circulación e corta o paso de camións na A-6 desde Portela de Valcarce a Pedrafita

A neve caída nas últimas horas complica a circulación e corta o paso de...

Cervantes rexistra ata 20 centímetros de neve nunha xornada na que a Deputación despexa as estradas

O Concello de Cervantes foi un dos máis afectados na provincia de Lugo pola...