Un total de 135 proxectaranse na Semana de Cinema de autor de Lugo, que se programa desde este luns e ata o vindeiro sábado na cidade das murallas. Ás portas do Concello de Lugo, foron presentadas algunhas destas actividades e o libro ‘Un camiño de cinema Xacobeo’ da xornalista lucense Pilar Falcón.
O director da Semana de Cinema de Lugo, Manuel Curiel, apuntou que “a edición deste ano vai ser mellor que a do ano pasado en que xa o limite de aforamento era de 30 persoas por sala e nesta edición son máis de 300 persoas no auditorio”.
Son 135 as películas que se difundirán durante a semana, segundo comentou Curiel son de “todos os tamaños; longos, curtos, documentais e a maioría son practicamente estreas en toda España”.
“O que hai que facer é unha lista e dedicarse a ver certas películas, porque 135 é imposible de ver“, sinalou o director da Semana de Cinema de Lugo. Serán varios os escenarios; o auditorio, a biblioteca, a Deputación, ou o vicerreitorado, que “son o catro ou cinco salgas coas que contamos todos os anos”, indicou Manuel Curiel.
Unha das novidades que se incorpora para esta edición é a presenza de dúas películas con temática sobre o Xacobeo, resaltando o director o documental ‘O longo camiño’.
