O palista lucense Cristian Toro Carballo sumou a súa segunda medalla de prata no mundial de piragüismo que se está a celebrar en Montemor-o-Velho (Portugal), neste caso en K4 500 xunto ao tamén galego Rodrigo Germade, Marcus Walz e Saúl Craviotto. Foron superados polo cuarteto alemán.
Onte, proclamouse subcampión mundial en K2 200.
O lucense é vixente campión olímpico en K2 200, así como vixente campión europeo en K2 200 e K4 500. Ouro olímpico en 2016 e dous ouros europeos neste 2018.
Nos Mundiais de Račice en 2017, proclamouse subcampión mundial en K2 200 e K4 500.
