InicioCulturaA historia do notario do Saviñao, que non tiña avoa

A historia do notario do Saviñao, que non tiña avoa

Helena González de Bisagras de Papel conta a historia dun notario ben fachendoso, que quixo que a súa nota de acceso á carreira, constase en acta.

PUBLICADA O

- Advertisement -

Lembro que a miña avoa tiña un caderno, onde anotaba en que traballaban ou que estudiaban, os seus netos e netas.  Xa sabedes, que ás avoas lles encanta presumir!

Contan que o pasatempo favorito de Casilda era baterse en duelo con outras avoas, que tamén axitaban cadernos nas súas mans, como se fosen trofeos.

Ela, que non puidera ir á escola, tiña agora descendencia que estudiaba. Eran as persoas máis listas do mundo mundial. Algo así, tiña que ser voceado!

“morrerlle a un a avoa, non ter avoa ou ser o galo da avoa” 
Expresión coloquial que se usa para censurar a quen se gaba moito

Seique unha persoa non ten avoa, cando fala arreo do marabillosa, guapa ou intelixente que é.

Iso de botarse flores, non está ben visto.  Chámase soberbia e é un dos pecados capitais. E contra soberbia, humildade, di o catecismo.

Pois ben, parece que a humildade non estaba no “mapa” dun notario do Saviñao, de cuxo nome non me quero lembrar.

Eu mesma dou fe de que, na redacción dun testamento, escribiu literalmente:

En el lugar de Serpentina, parroquia de San Vicente de los Castillones, ayuntamiento de Pantón, siendo las doce del día veintisiete de noviembre de mil novecientos cinco:  ante mí Don Francisco Mourenza Montero, notario público por oposición con clasificación de sobresaliente, perteneciente al Ilustre Colegio Notarial de Lugo y a la notaría de Saviñao, donde tengo mi residencia …”
Fonte: Protocolos notariais de Pantón. Arquivo Histórico de Lugo

Sí. Estades a ler ben.

Don Francisco, cando foi mandado chamar para darlle validez xurídica á declaración de últimas vontades dun veciño do Saviñao, fixo algo insospeitado.

O señor notario quixo que constase en acta a notaza que sacara na oposición de acceso á carreira. Está claro, que este home non tiña avoa.

Pregúntome, a quen ía dirixida a súa mensaxe.

 

[ Do blog Bisagras de Papel ]

ÚLTIMAS

O sector da limpeza en Lugo critica a petición de adiamento da patronal para decidir se acepta a mediación

Traballadores do sector da limpeza en Lugo criticaron "unha nova mostra do "absoluto desinterese"...

Unha persoa resulta ferida nun choque entre un camión cisterna e un coche en Abadín

Un camión cisterna que transportaba leite chocou contra un coche e envorcou en Abadín....

A que se debeu a grande expansión do lume no incendio de Baleira?

Os incendios que cada ano asolan Galicia destrúen a nosa paisaxe, o noso patrimonio...

Unha residencia de Vilalba deberá readmitir a unha empregada despedida por reivindicar mellores condicións laborais

O Xulgado do Social número 1 de Lugo declarou nulo o despedimento dunha traballadora...