Despois de moitas semanas de competición, esta mañá foron publicados os resultados da final das Graffiti Battles da Liga Nacional de Graffiti. Tras unha votación popular moi reñida -preto de 8.000 votos cada finalista- o xurado da Liga Nacional decidiu de xeito extraordinario dar como resultado un empate técnico e unha victoria compartida entre Diego AS e o vasco NexGraff.
No caso de Diego os apoios foron moi numerosos e de persoeiros moi relevantes do panorama lucense e galego: Lara Méndez (alcaldesa de Lugo), Ana Pontón (deputada no parlamento de Galicia e portavoz nacional do BNG), Antonio Ameijide (concelleiro do PP en Lugo), Olga Louzao (concelleira de Ciudadanos en Lugo), Antón Gómez-Reino (deputado galego e portavoz nacional de Galicia en Común), José Manuel Balseiro, Xulio Ferreiro, Olalla Rodil, Pilar Cancela ou Juan Vidal Pardo foron algúns dos moitos políticos que mostraron o seu apoio. Salva Arco (capitán do Breogán), Roberto Trashorras, Pablo Ferreiro, Rocío Varela ou Diego Ríos algúns dos deportistas que tamén apoiaron a Diego.
Un verdadeiro orgullo para a cidade de Lugo, que dende hoxe pode presumir de contar cun campión estatal entre os seus artistas de rúa.
