O centro cultural José Domínguez Guizán, entidade promotora do belén electrónico de Begonte, está a traballar na edición deste ano, que agarda presentar publicamente a mediados do presente mes. Segundo avanzan, este Nadal o belén será esencialmente virtual.
Se ben o belén xa está totalmente revisado e posto a punto por se fose posible o seu funcionamento, non se cre que este ano poida abrir ao público polas restricións da pandemia. Segundo explican, seguramente centren os seus esforzos na versión virtual, sobre a que se está a traballar nestes momentos.
A Fundación TIC da Deputación Provincial preparará un vídeo que permita seguir a través de Internet a evolución da instalación, de modo que sexa similar á visita presencial.
Por outra parte, estase ultimando a organización dos habituais certames culturais e exposicións que completan a actividade do belén electrónico, que este ano vive a 49ª edición desde a súa fundación en 1972. Así, no próximo 2021 celebrará o primeiro medio século de existencia.
Xulio Xiz,
