InicioCulturaLugo acende o seu "fío musical" con actuacións en directo arredor da...

Lugo acende o seu “fío musical” con actuacións en directo arredor da Muralla

Este venres 5, a partir das 20:30h, dá comezo a iniciativa 'Muralleando sen parar'. Grupos locais tocarán en diversos puntos da Rolda para que "unha volta completa ao monumento sexa tamén unha viaxe musical".

PUBLICADA O

- Advertisement -

EFE | O Concello de Lugo anunciou que este venres, a partir das 20:30 horas, acenderá o “fío musical” da Muralla romana coa actuación en directo de tres grupos locais en distintos puntos da Rolda.

Ponse en marcha así a iniciativa ‘Muralleando sen parar’, cuxo programa inclúe concertos ao aire libre de 36 grupos musicais locais. Colocaranse nas diferentes zonas axardinadas que hai ao pé da Muralla e ofrecerán música que acompañe os viandantes nos seus paseos. A idea é crear unha especie de “fío musical” en directo con atención “a todos os estilos”. Desta maneira, “unha volta completa á Muralla converterase tamén nunha viaxe musical”, subliñou a edil de cultura, Maite Ferreiro.

Ela mesma precisou que se trata dunha iniciativa do goberno local para mostrar o que “a peonalización da Rolda da Muralla pode ofrecer aos veciños de Lugo”. “Trátase dunha aposta polo tecido cultural local, polo son e pola música de Lugo, que estará representanta a través de distintos estilos musicais”, engadiu.

A PROGRAMACIÓN

‘Muralleando sen parar’ comezará este venres cos grupos Patuk Band, Man de Santo e Pingarea; e seguirá o sábado con Caivanca, Lacón con Grelos Blues Band e The Old Project. A primeira fin de semana deste novo concepto de festival urbana terminará o domingo 7 de xuño con Funkombo, Muddy Doll e Ship of Fools.

Ferreiro animou os veciños da cidade para “utilizar o novo paseo peonil da Rolda e a propia Muralla como zona de paseo e a asistir, ao mesmo tempo, a esta nova forma de descubrir e gozar da cultura de Lugo”. EFE

ÚLTIMAS

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...

Detida unha muller por violencia doméstica ao agredir ao seu home e a outra muller

Unha muller foi detida en Lugo acusada dun delito no ámbito familiar e de lesións por...

Detidos tres veciños de Vilalba acusados de vender pezas de coches por Internet e non remitilas aos seus compradores

A Garda Civil detivo a tres veciños do municipio lucense de Vilalba acusados de vender pezas...