Un xurado profesional escolleu esta mañá a obra ‘Imperivm‘, da deseñadora lucense Alba Platas Vigo, como o cartel que anunciará o Arde Lucus MMXX.

O deseño pasou unha primeira criba nas redes sociais, onde tamén resultara o máis votado (con 671 votos), para logo ser sometido á valoración experta dentro do certame convocado en xaneiro pola concellería de Xuventude. O xurado estaba formada polo vicedirector da Escola Superior de Arte e Deseño Ramón Falcón, Alejandro Carro, a deseñadora gráfica Paula Francos Anllo, e o fotógrafo Julio Diego Leira.

A autora de ‘Imperivm’, Alba Platas, recibirá 1.300 euros como premio, tal como estaba previsto nas bases do concurso.