InicioCulturaOs Microefectos Dramatúrxicos regresan ao Clavicémbalo

Os Microefectos Dramatúrxicos regresan ao Clavicémbalo

Desta volta, son catro as propostas que se poderán desfrutar este xoves 5 e venres 6 de marzo.

PUBLICADA O

- Advertisement -

Logo de tres meses dende a última sesión, os Microefectos Dramatúrxicos regresan ao Club Clavicémbalo este xoves e venres, 5 e 6 de marzo. Desta volta, traen canda si catro novas pezas de microteatro coas que agardan repetir o éxito de asistencia de pasadas ocasións.

O grupo, que está a piques de cumprir o seu sétimo aniversario, pon en escena pezas teatrais duns quince minutos de duración. As deles son historias para rir ou chorar, cunha escrita directa e actual.

Os pases representaranse ás 20:30 e ás 22:30 horas. Unha das pezas é AFT– Alternative Free Tour, escrita e dirixida por Anxo Manoel, que tamén a interpreta canda a María Grandío, Conchi Madrina, Elvira Velasco e Brian Rodríguez.

Café con T: unha historia de Soledad, de María Grandío, é a segunda das propostas. A directora acompáñase de Brais García, Elvira Velasco e Raquel López para a súa posta en escena.

En Polos sen cabeza, os asistentes poderán desfrutar de Isa Herrero e Anxo Manoel. Por último, E daquela decidiches mudar nun can, de Raquel López, contará coa intepretación de Brais García, Isa Herrero, Brian Rodríguez e a propia autora.

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...