A asociación cultural Ateneo Galeguista de Lugo inicia as celebracións polo centenario do nacemento da revista Nós. Faino cunha táboa redonda que leva por título ‘O legado da Xeración Nós’.
O encontro está previsto para o vindeiro venres 17 de xaneiro, ás 18:30 horas, no salón de actos da Biblioteca Nodal de Lugo. Nel participarán cinco homes relacionados coa herdanza dos escritores que conformaron o grupo Nós.
En concreto, son Miguel Anxo Seixas Seoane, vicepresidente da Fundación Castelao; Luis Martínez-Risco Daviña, presidente da Fundación Vicente Risco; Juan Luis Saco Cid, presidente da Fundación Otero Pedrayo; Luis González Tosar, membro do Padroado da Fundación Losada Diéguez; e Jose María Eguileta Franco, arqueólogo estudoso da figura de Florentino López Cuevillas.
