InicioCulturaO Concello renovará a dirección da Escola Municipal de Música

O Concello renovará a dirección da Escola Municipal de Música

Oito días hábiles para presentar candidaturas – Asemade, a Banda Municipal leva preto de dous anos sen dirección

PUBLICADA O

- Advertisement -

O Concelleiro de Educación e Infraestruturas Urbanas, Manuel Núñez, asinou o luns un decreto no que aproba a instrucción que regula o proceso de renovación da xunta directiva da Escola Municipal de Música. Este decreto será publicado este martes no taboleiro da propia Escola e no de Edictos do Concello, e o prazo para a presentación de candidaturas abrirase o día vindeiro, o mércores 13, durante 8 días hábiles.

Segundo a instrucción, a cobertura dos postos deste órgano directivo realizarase mediante votación secreta no seo do claustro da Escola, tendo dereito a voto todo o persoal, funcionario ou laboral, do Concello con vinculación, tanto docente como non docente, co propio centro. As candidaturas estarán conformadas por catro persoas, que asumirán segundo conste na instancia de solicitude de participación, os postos de dirección, subdirección, xefatura de estudos e secretaría. Non serán admitidas candidaturas incompletas.

Situación da Banda Municipal

O Bloque Nacionalista Galego alertou o pasado xoves de que van cumprirse dous anos dende a xubilación do anterior director da Banda. A edil nacionalista Maite Ferreiro subliñou que a contratación de persoal anunciada polo goberno local debería servir para paliar o “desmantelamento” da Área de Cultura da corporación, responsable da Banda Municipal de Música. Ferreiro dixo que “xa pasou moito tempo e a data de xubilación do Director da Banda era coñecida dende fai anos”.

Dende o BNG solicitan que “se axilicen os trámites para que a Banda de Música conte, no espazo de tempo máis curto posible, cunha persoa ocupando a praza de dirección”. Sobre todo trala creación da Escola Municipal, en vías de renovación, que supuxo un pulo importante para a actividade musical de carácter público. Así, Ferreiro lembrou que “na comisión de cultura do mes de febreiro a responsable de cultura informou que comenzará os trámites para cubrir a praza de dirección da banda en xuño de 2016″, mais segue sen materializarse este trámite.

 

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...