O Gordo da Lotaría de Nadal, o 03347 con catro millóns de euros á serie, caeu moi repartido por toda España. Así aconteceu tamén na provincia de Lugo, onde o primeiro premio sorriu a catro concellos, pero con tan só un décimo por municipio. As participacións foron despachadas en Lugo (Rúa das Fontiñas), Vilalba (Rúa da Pravia), Monforte e O Valadouro.

Un cuarto premio, o 67774 para 100.000 euros, apareceu en Guitiriz (Avenida da Coruña) e na veciña As Pontes (Praza do Hospital, xa agraciada con dous décimos do quinto premio en 2017).

Tamén en Guitiriz caeron dous quintos premios co 02308, que reparte 126.000 euros en total. Deste número foron vendidos catro décimos na rúa Compostela de Portomarín, e outro máis en Meira. Tamén en Meira tocou o quinto 29031, con 60.000 euros á serie, na administración da Praza Maior.