InicioCulturaPremios do certame ilustrarNÓS da Vicepresidencia da Deputación

Premios do certame ilustrarNÓS da Vicepresidencia da Deputación

Maite Ferreiro entregou os galardóns a estudantes de Foz, Meira, Friol e Monforte. Recibiron premio os mellores traballos elixidos entre 252 que se presentaron.

PUBLICADA O

- Advertisement -

A Sala de Exposicións do Pazo de San Marcos acolleu este pasado luns o acto de entrega de premios do II Certame Escolar de Ilustración IlustrarNÓS, convocado pola Vicepresidencia da Deputación de Lugo.

Ánxela Maneiro Pérez do CPI Dr. López Suárez de Friol, Aya Lafou Bouftini do IES Pedregal de Irimia de Meira, Claudia Pérez Barrientos do IES Río Cabe de Monforte e Hugo Moirón Martínez do CEIP Fondo Nois de Foz foron as gañadoras e gañador do certame nas categorías 5 e 6 de Primaria, 1 e 2 da ESO, 3 e 4 da ESO e Bacharelato e Ciclos, respectivamente.

Os seus traballos foron elixidos entre os 252 deseños remitidos á área de Cultura da Vicepresidencia da Deputación de Lugo desde centros de toda a provincia, creacións ao redor do lema proposto nesta segunda edición do certame “Contra o cambio climático, actúo”, que convidaba a representar graficamente esa idea, visibilizando solucións fronte á emerxencia climática.

Da valoración das obras encargouse un xurado formado pola ilustradora e presidenta da Asociación Galega de Profesionais da Ilustración (AGPI) Laura Romero, a deseñadora gráfica Belen Freijeiro e o vicedirector da EASD Ramón Falcón, Alejandro Carro, que valoraron os aspectos determinados nas bases: relación co tema proposto, orixinalidade e creatividade na interpretacion de dito tema, aportación narrativa desde a imaxe e técnica e composición.

As autoras das obras gañadoras foron agasalladas cun Ipad con aplicacións de deseño gráfico e cun lote das máis recentes publicacións en galego de álbum, banda deseñada e novela gráfica.

A vicepresidenta da Deputación Maite Ferreiro deu os parabéns as premiadas e agradeceu ao alumnado e profesorado a boa acollida desta desta segunda edición do certame, “unha aposta por fomentar a creatividade e por poñer en valor o traballo de ilustradores e ilustradoras galegas que vemos, con orgullo, que se vai consolidando entre a comunidade educativa”.

O acto, que conduciu a escritora e editora Eva Mejuto, contou coa presenza de familiares e docentes do alumnado premiado. 

ACTIVIDADE PARALELA DO IlustrarNÓS 

IlustrarNÓS nace arredor do Día da Ilustración en Galicia e faino da man da Vicepresidencia da Deputación de Lugo para fomentar a creatividade e poñer o valor o potencial que temos en Galicia no sector das artes gráficas. Ademais de convocar un concurso escolar, nesta edición houbo obradoiros e coloquios, adaptados ás distintas etapas educativas, en 14 centros educativos.

O ilustrador Kiko da Silva compartiu a súa experiencia creativa co alumando dos IES Río Cabe de Monforte, o IES Pedregal de Irmia e o CPI Dr. López Suárez de Friol e na EASD Ramón Falcón de Lugo. A ilustradora Laura Romero e o músico Juan A. Álvarez impartiron obradoiros baixo o título “Os nosos ilustres instrumentos” no CEIP San Cosme de Barreiros, no CEIP Fondo Nois de Foz, no CEIP O Salvador da Pastoriza, no CEIP Plurilingue da Pontenova, no CPI de Cervantes, nos CEIP de Albeiros, de Paradai e Quiroga Ballesteros de Lugo, no CPI Ramón Piñeiro de Láncara e no CEIP Virxe do Carme de Sober.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...