InicioCulturaRosalía de Castro 'sobe' ao escenario de varias comarcas lucenses

Rosalía de Castro ‘sobe’ ao escenario de varias comarcas lucenses

A obra 'Libre coma os paxaros' de Teatro do Atlántico permite transitar polo pensamento da autora e polo seu compromiso diante dos conflitos do seu tempo.

PUBLICADA O

- Advertisement -

A Deputación de Lugo levará a obra teatral ‘Libre coma os paxaros’ de Teatro do Atlántico a Meira, Sarria, A Pobra do Brollón, Chantada e Ribadeo durante os meses de marzo e abril. A xira desta obra, artellada en base a textos da propia Rosalía de Castro, forma parte do programa posto en marcha pola área de Cultura o pasado 23 de febreiro, co que puxo a
disposición de concellos e asociacións diversas propostas culturais sobre a figura e obra da poeta.

DRAMATURXIA SOBRE TEXTOS DE ROSALÍA

A base fundamental para a elaboración da posta en escena do espectáculo,  dirixido por Xulio Lago, son os propios textos de Rosalía de Castro  -poesía, artigos, prosas, lieders- que permiten transitar polo pensamento da autora e polo seu compromiso diante dos conflitos e acontecementos presentes na sociedade do seu tempo.

Follas Novas, Cantares Galegos, La Flor, En las orillas del Sar, Las Literatas, A mi madre,
xunto cos prólogos, noticias da prensa do seu tempo, e datos extraídos de publicacións e
documentos presentes na obra de diversas estudosas e estudosos da vida e da obra da autora conforman o conxunto biobibliográfico do que foi extraído o material que configura o espectáculo.

É a propia Rosalía de Castro, interpretada por María Barcala, a que desde o escenario, cos código propios do teatro, establece a comunicación co público, mostrándose como unha muler en loita a prol da igualdade de xénero, contra a violencia machista, que denuncia a desigualdade social e os atentados contra o equilibrio ecolóxico ou o drama da emigración.

CALENDARIO

A obra manterase en xira polas comarcas da provincia durante os meses de marzo e abril, co seguinte calendario:

Sarria
Casa da Cultura, venres 11 de marzo, ás 20.00 horas
A Pobra do Brollón
Casa da Cultura Olga Novo, venres 13 de marzo, ás 19.00 horas,
Chantada
Auditorio Municipal, venres 18 de marzo, ás 20.00 horas
Meira
Xoves, 14 de abril ás 19.00 horas. Casa da Cultura
Ribadeo
Auditorio Hernán Naval, domingo 24 de abril ás 20.00 horas

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...