InicioCulturaDegustáronse 250 litros na VIII Festa do Viño de Negueira de Muñiz

Degustáronse 250 litros na VIII Festa do Viño de Negueira de Muñiz

A VIII Festa do Viño de Negueira de Muñiz reuniu a 600 veciños na degustación de variedades de 14 adegas nun evento de promoción económica e turística

PUBLICADA O

- Advertisement -

A VIII Festa do Viño de Negueira de Muñiz, organizada pola Asociación para a Defensa das Variedades Autóctonas e Viñedos da Ribeira do Navia, contou coa presencia de representantes da Deputación de Lugo, que colabora coa celebración desta cita vitivinícola cunha achega económica de 2.000 euros dentro da súa aposta por promocionar os produtos autóctonos e impulsar o crecemento no sector turístico, na procura dun modelo máis competitivo e rendible, así como a economía desta zona da provincia. Esta achega económica engádese á do propio Concello de Negueira, que tamén instalou a carpa.

O presidente do executivo provincial, Darío Campos Conde, subliñou que “un ano máis, dende o Goberno da Deputación colaboramos coa Festa do Viño de Negueira de Muñiz, unha cita consolidada no calendario festivo da provincia, porque somos conscientes da importancia de apoiar este tipo de iniciativas que poñen en valor os produtos lucenses, dándoos a coñecer, e que incentivan o turismo, pois se prevé a participación de máis de 600 veciños”.

Así mesmo apuntou que “esta zona da provincia conta cunha gran variedade de viños, que debido ás peculiaridades climatolóxicas, pois son os que a máis altura da provincia se producen, gozan dun sabor e unha textura diferentes que os fan únicos en todo o mundo. Con esta cita, dende os Executivos Provincial e Municipal queremos poñer en valor o traballo diario e meticuloso que desenvolven durante todo o ano os viticultores da Montaña lucense, véndose reflectido na importancia e calidade dos nosos viños”.

14 viticultores e 250 litros de viño

A Asociación para a Defensa das Variedades Autóctonas e Viñedos da Ribeira do Navia, coa colaboración de Deputación e Concello, reuniu para a feira a 14 viticultores da Comarca que expuxeron e tiveron a venta as súas producións por 6 euros a cunca de madeira. En total, foron uns 250 litros de viño os que se ofreceron durante toda a xornada, así como alimentos producidos na zona, tales como embutidos, queixos, pan, froitas ou hortalizas elaboradas artesanalmente. A Festa do viño incluíu unha degustación gratuíta de viños tintos e brancos das adegas participantes e postos de polbo e churrasco. Xa pola tarde, os asistentes puideron gozar das actuacións musicais da orquestra Charleston Big Band e o dúo Estrellas.

ÚLTIMAS

O TSXG anula os servizos mínimos da Xunta para a folga de limpeza en Lugo de 2023

A sección primeira da Sala do Contencioso-Administrativo do Tribunal Superior de Xustiza de Galicia...

Interceptado un condutor borracho que fuxiu tras ter un accidente cun neno no asento dianteiro

Un condutor foi interceptado tras verse implicado nun accidente de circulación na confluencia da Avenida...

O PP presentará dúas iniciativas no Senado para reclamar ao Goberno a chegada da alta velocidade

O PP lucense anunciou este luns en Lugo que presentará dúas iniciativas no Senado...

A Policía Nacional desarticula un punto de venda de droga e intervén 140 doses de haxix

Efectivos da Policía Nacional de Lugo desarticularon un punto de venda de droga na...