O catro incendios que se declararon ao longo deste domingo na Fonsagrada xa están controlados, segundo informou a Europa Press a Consellería de Medio Rural, que ve “claros indicios de intencionalidade”.
“O elevado número de rexistros, reiterados, en zonas próximas, case simultáneos e practicamente todos eles en horas nocturnas (cando os medios aéreos non poden actuar), son claros indicios de intencionalidade”, apunta o departamento da Xunta.
Concretamente, declaráronse lumes en dúas parroquias. En San Pedro de Río, o incendiou iniciouse ao redor das 03,17 horas e quedou controlado ao redor das 05,35 horas, para o que se empregaron tres axentes, tres brigadas e cinco motobombas. Afectou a 0,1 hectáreas de monte raso.
Sobre as 04,25 horas declarouse outro lume na mesma parroquia, que quedou controlado ás 06,34 horas, para o que interviñeron catro axentes, oito brigadas e cinco motobombas e que queimou 0,5 hectáreas de monte.
Os outros dous incendios foron declarados na parroquia de Freixo. Un entorna ás 07,23 horas que se controlou ás 18,42 horas e que afectou a dúas hectáreas de arboledo. Interviñeron dez brigadas, tres motobombas e un tractor cisterna.
O outro lume comezou ás 08,53 horas e declarouse controlado ao redor das 16,40 horas, para o que interviñeron tres axentes, catro brigadas, unha motomba e un tractor cisterna. Afectou a 0,4 hectáreas de arboledo.
CINCO INCENDIOS DURANTE A FIN DE SEMANA
Estes catro puntos súmanse a un quinto detectado este pasado sábado, na parroquia de O Trobo. Este lume, que comezou ás 17,50 horas, declarouse extinguido entorno ás 18,42 horas deste domingo, para o que interviñeron un técnico, cinco axentes, 16 brigadas, cinco motobombas, unha pa, catro helicópteros e dous avións. Neste caso, afectou a 3,5 hectáreas –tres de monte raso e o resto, arboledo–.
