O colectivo Patrimonio dos Ancares volve pór o foco na situación dunha mámoa da necrópole do Peredelo, na Fonsagrada, enriba da cal se construíra un silo para plásticos agrícolas no ano 2016. Malia as continuas denuncias —tamén por acumulación de lixo: colchóns, rodas de tractor, etc—, “o silo continúa sobre a mámoa e o lixo a medrar”.
A asociación vén de preguntar á Subdirección Xeral de Patrimonio en que fase se atopa o expediente de sanción interposto contra o Concello da Fonsagrada como suposto responsable. Piden que se obrigue á retirada do lixo e, de non facelo, que se opte pola vía da denuncia xudicial.
Así mesmo, Patrimonio dos Ancares tamén remitiu escritos aos partidos políticos que integran a corporación municipal para que se “mollen” e presionen o goberno municipal a cumprir a lei.
Podes ler a información completa en Historia de Galicia.
