InicioPolíticaO BNG pide a cabeza de Argelio Fernández para pactar co PSOE...

O BNG pide a cabeza de Argelio Fernández para pactar co PSOE na Fonsagrada

A única edil do BNG na Fonsagrada di que só votaría ao socialista Carlos López como alcalde.

PUBLICADA O

- Advertisement -

A candidata á Alcaldía da Fonsagrada polo BNG, María Xosefa Ortiz, cuxo voto decidirá quen é o alcalde dese municipio lucense para o próximos catro anos, confirmou a EFE que esixiu que Argelio Fernández Queipo deixe “a presidencia da corporación municipal” para investir a un candidato do Partido Socialista.

Aínda que o Partido Popular foi a lista máis votada, as eleccións locais do 26 de maio deixaron un empate a número de concelleiros entre ambos os partidos, con cinco cada un deles, de modo que a única edila do BNG será a chave do futuro goberno municipal.

María Xosefa Ortíz precisou que os nacionalistas lle propuxeron ao PSdeG que sexa outro edil socialista, neste caso Carlos López, quen se faga cargo da Alcaldía da Fonsagrada, para o que contaría co voto definitivo do BNG.

En todo caso, tamén aclarou que esa proposta foi presentada onte mesmo e que, polo momento, non recibiu contestación por parte do PSdeG. No que se refire a un hipotético acordo de goberno, a concelleira do BNG esíxelle ao PSdeG maior “transparencia” na xestión do Concello, “a elaboración dunha RPT e o cumprimento da legalidade nos contratos” públicos.

A agrupación local do BNG reunirase mañá para avaliar a situación no municipio da Fonsagrada, aínda que a concelleira electa recoñeceu que, seguramente até o sábado, cando se celebra o pleno de investidura, non se tomará unha decisión definitiva. Tanto PP como PSdeG ofrecéronlle integrarse nun goberno de coalición e os populares chegaron mesmo a ofrecerlle a Alcaldía, proposta que rexeitou.

ÚLTIMAS

Interceptado en Lugo un condutor ebrio e drogado que carecía de permiso para conducir

Un condutor foi interceptado cando circulaba sen permiso de condución baixo os efectos do...

Becerreá rexistrou este sábado un terremoto de 2,5 graos de magnitude

O municipio lucense de Becerreá rexistrou este sábado un terremoto de 2,5 graos de...

Galicia, vixiante co sarampión: detéctanse en Lugo os dous primeiros casos dende 2020

A Consellería de Sanidade reforzou a vixilancia contra o sarampión despois de detectar que repuntes...

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...