InicioMovementos sociaisMantense a presión para que Cabañas prescinda do eucalipto

Mantense a presión para que Cabañas prescinda do eucalipto

Os ecoloxistas consideran que o borrador de ordenanza municipal incumpre o compromiso de prohibir as plantacións de eucalipto

PUBLICADA O

- Advertisement -

Foron os veciños de Cabañas Raras os que, cansos da plantación indiscriminada de eucalipto no termo municipal, impulsaron un escrito avalado por 272 sinaturas que derivou no compromiso do consistorio de frear estes cultivos. Procuraban deste xeito preservar a excepcional flora autóctona do concello berciano, exposta aos efectos adversos dun eido desregulado. Porén, a ordenanza municipal desenvolvida polo goberno local evita a prohibición expresa, polo que Bierzo Aire Limpio presentará alegacións ao borrador.

A causa ecoloxista hai anos que comezou a sensibilizar acerca do impacto deste eido produtivo. Perante a expansión da superficie de eucalipto na comarca do Bierzo, diversos colectivos a prol do medio ambiente celebraron xornadas informativas nos concellos de Arganza e Sancedo. Os expertos convocados advertiron da ameaza sobre a biodiversidade que representa o eucalipto, cualificado polo Comité Científico de Flora e Fauna Silvestres –dependente do Ministerio para a Transición Ecolóxica– coma especie invasora.

O ditame recolle estudos realizados en España e Portugal, que reflicten os efectos adversos do eucalipto sobre as cadeas tróficas de descompoñedores acuáticos cando as follas caen aos ríos, a alteración das condicións bioquímicas do solo e a perda de biodiversidade vexetal e animal, incrementando o risco de asentamento doutras especies invasoras. Esta árbore pirófita ten unha gran capacidade de colonización despois dos lumes forestais, que favorece pola acumulación de follas e a presenza de aceites inflamábeis.

Dende Bierzo Aire Limpio sinalan que o proxecto da nova central térmica de Cubillos aumentará a presión dos cultivos de eucalipto no medio berciano. Forestalia, promotora da planta de biomasa, anunciou que abastecerase da plantación de 69 hectáreas en Carrión de los Condes (Palencia), e hai inquedanza de que Cabañas, pola súa proximidade a Cubillos, poida servir a tal fin.

Goberno e CNMC dan o prace para o peche da central de Anllares

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...

O TS confirma que Ana Sandamil matou a súa filla para danar a súa ex parella e pai da nena

O Tribunal Supremo (TS) confirmou a condena de prisión permanente revisable a Ana Sandamil polo asasinato,...