InicioEconomíaRepresentantes de Galicia e do Bierzo piden a inclusión no Corredor Atlántico

Representantes de Galicia e do Bierzo piden a inclusión no Corredor Atlántico

Medio cento de dirixentes galegos, do Bierzo e Maragatería reuníronse no Barco de Valdeorras para pedir a integración na rede europea de transportes do camiño de ferro do Atlántico

PUBLICADA O

- Advertisement -

A Comisión Europea confirmou que o goberno central pediu a inclusión do percorrido Ourense-Monforte-Palencia no corredor do Atlántico. Esta noticia déuse a coñecer na reunión celebrada no  Barco de Valdeorras, onde se reuniron persoeiros políticos e empresariais vinculados ao Eixo Atlántico, do que é presidente Alfredo García, alcalde do Concello de O Barco.

En total foron cincuenta persoas chegadas de Galicia, O Bierzo e Astorga que precisamente trataron a integración deste camiño de ferro na liña atlántica europea. A proposta busca tamén a confluencia coa liña que vén desde Aveiro, Portugal na capital palentina. Para que isto sexa así, solicitan a achega dos fondos europeos previstos para a modernización do que deron en chamar “a T deitada”, polo trazado desta conexión ferroviaria.

As persoas reunidas no Barco consideran que a petición e os investimentos que se realicen son determinantes para o futuro dos portos galegos. Seguen así a visión dos expertos que ven precisa a concentración das mercadorías en Monforte para articular un tren diario desde esta vila cara a fronteira con Francia. O obxectivo é ser competitivos coas conexións que veñan do Mediterráneo e doutros portos europeos e tamén a mellora na liña Alvia que comunica Galicia con Barcelona.

Reunión do Eixo Atlántico no Barco

AUSENCIAS 
Na reunión estiveron presentes o voceiro parlamentario de En Marea, Luis Villares e do PSdeG, Xoaquín Fernández Leiceaga, ademais de representantes de sectores industriais como o da lousa, loxística e dos empresarios galegos. Tamén estiveron presentes representates comarcais, das deputacións de Lugo e Ourense e dos concellos que percorre a liña ferroviaria, así como representacións sindicais.

ausencia de representantes dos portos galegos, así como do goberno da Xunta de Galicia, chamou a atencións dos convocantes, logo de ter cursado un convite á conselleira de Infraestruturas, Ethel Vázquez, que declinaron asistir por motivos de axenda. Isto fixo que o secretario xeral do Eixo, Xoán Vázquez Mao lamentase “a falta de compromiso do goberno galego co interior de Galicia, xa que nin estiveron na reunión para a defensa do Porto Seco de Monforte nin na da  liña do tren, que son esenciais para a supervivencia dos portos galegos e do interior galego”. Despois dun longo debate acordouse pedir unha entrevista co ministro de Fomento para ofrecerlle a colaboración das institucións e facer un seguemento ata ter os orzamentos precisos.

ÚLTIMAS

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...

Investigados dous lucenses tras atopar un can abandonado que fora dado de baixa por falecemento

A Garda Civil investiga a dous veciños das localidades lucenses de Castroverde e do Corgo como supostos autores...