A Garda Civil auxiliou o mércores en Pedrafita do Cebreiro a unha veciña desta localidade, de 88 anos, tras levar os veciños dous días sen ter noticias dela.

Despois de recibir o aviso, os axentes trasladáronse á vivenda, que tiña a porta de entrada pechada e as persianas das xanelas baixadas, non contestando ninguén ás insistentes chamadas efectuadas.

Ante esta situación, actívase o protocolo de posible desaparición, inspeccionando en primeira instancia as zonas próximas á vivenda.

Finalmente, comprobaron que a muller estaba no chan seminconsciente e sen poder moverse, solicitando inmediatamente que os servizos médicos se trasladasen ao lugar. Finalmente, foi trasladada ao Hospital de Lugo por unha fractura de cadeira.