InicioSociedadeA caída da ponte na A-6 dispara o tráfico polo municipio de...

A caída da ponte na A-6 dispara o tráfico polo municipio de Pedrafita

Por mor deste aumento na circulación, o Concello instalou paneis informativos e sinalización luminosa para advertir os condutores do límite de velocidade a 40 quilómetros.

PUBLICADA O

- Advertisement -

O alcalde de Pedrafita do Cebreiro, José Luís Raposo, asegura que, desde a caída do viaduto na A-6 a semana pasada, incrementouse “moitísimo o tráfico”, dado que se teñen que desviar os vehículos polo municipio para acceder á N-V.

“Cando sacaron a nacional e se pasou á autovía non había nin a cuarta parte da circulación, sobre todo tráfico pesado”, di o rexedor. Por mor deste aumento na circulación, o Concello instalou paneis informativos e sinalización luminosa para advertir os condutores do límite de velocidade a 40 quilómetros no núcleo de Pedrafita.

Así, o alcalde móstrase satisfeito sobre todo porque “a velocidade baixou considerablemente”. No entanto, avisa que “agora nos meses de vacacións pode haber momentos puntuais e moi delicados”. “Falouse disto, que o terán en conta na Dirección Xeral de Tráfico e no Ministerio de Transportes”, saúda Raposo.

Un aspecto que non pasa por alto o alcalde é que “agora se teñen que mirar os días de feira”, xa que “os postos non poderán ir na travesía”. “Vai ser así e non se van poder poñer. Hai que adaptarse e hai que deixar tempo para que traballen os técnicos coa ponte”, conclúe Raposo.

ÚLTIMAS

O Family Cash pechado ao detectarse unha praga de ratos continuará pechado por orde xudicial

A maxistrada do Xulgado do Contencioso-Administrativo número 1 de Lugo rexeitou este venres a solicitude...

Reabre o supermercado pechado temporalmente por presenza de ratos

O supermercado Family Cash situado no centro comercial de Abella, en Lugo, clausurado temporalmente...

Seguen hospitalizados 3 dos 6 intoxicados con deterxente nunha pulpería de Lugo durante o San Froilán

Tres das seis persoas que tiveron que ser ingresadas a pasada fin de semana...

Dous detidos por furto de móbiles durante as festas do San Froilán

Investigacións levadas a cabo por membros da Brigada de Policía Xudicial da Policía Nacional...