InicioSociedadeA neve volve provocar restricións ao tráfico en Pedrafita

A neve volve provocar restricións ao tráfico en Pedrafita

A provincia de Lugo é a máis afectada polas nevadas das últimas horas.

PUBLICADA O

- Advertisement -

A neve caída nas últimas horas en Galicia dificultou a circulacion na mañá deste domingo en estradas do interior, principalmente nas provincias de Ourense e Lugo. Aínda que as vías ourensás recuperaron certa normalidade cara ao mediodía, as provinciais lucenses LU-533 e LU-633 aínda manteñen restricións ao tráfico, segundo o mapa de incidencias da Dirección Xeral de Tráfico (DGT).

En concreto, na LU-633, a neve e o xeo provocaron cortes intermitentes entre os quilómetros 0 e 27, no municipio de Pedrafita do Cebreiro. Ademais, está restrinxida a circulación a camións e vehículos articulados. En canto á LU-533, a meteoroloxía adversa condiciona a circulación con cortes intermitentes en ambos os sentidos o punto quilométrico 43, á altura de Mundín, concello de Chantada.

Así mesmo, na provincia de Ourense, a Garda Civil informou que cara ao mediodía normalizouse a situación nas estradas. Ao longo da mañá, a DXT solicitou a circulación con precaución debido á neve en varios puntos das vías provinciais OU-112, OU-240, OU-531 e OU-540. Ademais, sufriu dificultades a A-52 a partir do quilómetro 173, na zona das Estivadas, no municipio de Cualedro; e a N-525, entre Cualedro e Trasmirás.

ÚLTIMAS

A Audiencia de Lugo absolve a unha muller e a súa filla acusadas de estafar á avoa para que lles dese diñeiro

A Audiencia Provincial de Lugo absolveu a dúas mulleres, nai e filla, que estaban...

Besteiro urxe á Xunta que poña o foco na saúde mental da provincia de Lugo, onde hai “dous suicidios á semana” de media

O secretario xeral do PSdeG, José Ramón Gómez Besteiro, advertiu este xoves en Lugo da...

O goberno de Lugo reclama ao presidente da Xunta máis investimentos que os anunciadas o luns tras o Consello

A portavoz do PSOE no goberno local de Lugo, Ana González Abelleira, volveu a...

Panadeiros piden “un convenio moderno e con garantías para o sector” na provincia

Un grupo de panadeiros, en representación dos 1.500 que hai na provincia de Lugo,...